朱咪咪叫歌迷準備驚風散
樂壇前輩朱咪咪將於九月三及四日假紅館舉行《朱咪咪吾會玩嘢演唱會2011》，她坦言每次開騷都會用心度橋，今次特別想出一個驚喜環節，她笑言：「觀眾最好帶定驚風散、血壓藥，包你又驚又喜！（試吓唔搞笑？）試過開騷前同觀眾講想正正經經咁唱歌，點知全場即刻噓我！」
咪咪唱而優則演，加入無綫後不斷拍劇，近年更入圍金像獎最佳女配角，她坦言唱歌是其老本行，絕不會放棄：「好現實咁講句，唱歌易搵錢，雖然飛來飛去好累，但拍戲真係要捱更抵夜。」她坦言拍戲要睇對手、睇劇本、睇導演，相比起唱歌，舞台、音響、樂隊基本上都可以控制，是個人一種情緒上的發洩，咪咪愛唱歌，亦喜歡透過演出將正能量帶給歌迷：「希望大家睇得開心，每個人離場都係笑住走！」
朱咪咪將於九月舉行演唱會，她希望觀眾笑住離場。