陳展鵬因無綫劇集《真相》而人氣大增，近日更不時被起底，昨日又有指他仍與亞姐姚佳雯拍拖兼同居，但為了事業只好刻意隱瞞。記者昨日致電展鵬求證，他說：「其實我哋以前係拍過拖，好多人都知！並唔係乜嘢秘密或刻意隱瞞，只係覺得兩個人嘅事，冇必要刻意公開啫！」問到跟姚佳雯關係如何？他指雙方仍是好朋友，不時有聯絡。