陳法蓉胸狠獨贏師妹 讚(3)許亦妮夠Sweet

候選港姐(5)朱晨麗在溥儀眼鏡活動上勇奪「時尚目光獎」，但其光芒卻要與任評判的89年港姐冠軍陳法蓉分庭抗禮，皆因對方以一人之力，低胸搶盡艷光。

昨日一班候選港姐在尖沙咀溥儀眼鏡角逐「時尚目光獎」，熱門佳麗(5)朱晨麗勝出，獲贈25,000元獎金獎品，問到有傳無綫有意力捧？她興奮地說：「如果TVB簽我，我會考慮！」雖然艷光被搶，但她亦大方讚師姐陳法蓉Keep得好：「風頭被搶一定o架啦！」而以一人之力贏晒一班師妹的法蓉說：「佢哋咁年輕，青春無敵！」

好友皆變「張太」

法蓉坦言看見一班師妹，不禁想起當年參選驚到騰騰震的回憶，並透露心水佳麗乃(1)甄敏婷、(3)許亦妮、(6)梁麗翹及(9)麥美恩，惟現場評分時她卻給朱晨麗最高分。提到許亦妮負面新聞多籮籮，法蓉說：「睇佢個樣幾Sweet、幾靚女。（好友羅慧娟傳患重病？）我哋成日一齊食飯、睇戲，大家唔好亂估！佢嘅健康狀況，你哋問番佢。（老友陳松伶結婚感高興？）咁啱我好友洪欣、蔡少芬同陳松伶等都係嫁畀姓張，我都要留意吓身邊姓張嘅人！」

而有傳聞指許亦妮內定「冇獎」，因無綫不想她被港姐身份綑綁，方便盡快力捧，她說：「有冇獎隨緣啦！依家想專心比賽，到時再考慮繼續讀書定係留港發展。」