祖兒打鑼搵Friend搭火車捧場

容祖兒（Joey）和古巨基前晚在《勁歌金曲》喜相逢，即將在內地開騷的Joey表示要打鑼找朋友搭火車捧場。

無綫節目《勁歌金曲》前晚邀請容祖兒、古巨基、張崇基和張崇德等擔任嘉賓。基仔與Joey同場相遇，甫見面即老友鬼鬼，攬住對方影相及聊天，Joey稱最愛與基仔鬥嘴，問到基仔八千萬續約英皇，她說：「雖然我唔太清楚，但最緊要開心！最近忙八月中內地演唱會，用緊唔同途徑叫朋友搭火車嚟捧場！（依家仲敢搭火車？）搭啲穩陣啲囉！（之前湯唯被盜用微博？）我啲密碼水蛇春咁長，成三十個字！（記到？）我對記數字好耍家嘅！」

基仔速瘦十磅

剛在蘇州拍畢劇集《歡樂元帥》返港的基仔，因在當地炎熱天氣下演古裝而速瘦十磅，無需減磅都可應付稍後的演唱會：「依家都夠瘦，只要練番紮實啲就得，可以上場！」早前有指他以八千萬身價續約英皇，他表示需與公司再商談：「仲未定，但喺呢間公司合作愉快。（再加身價？）睇公司開價啦！好難淨係講錢，最緊要合作愉快同順利！（有咩條件？）希望畀多少少假期。（辛苦？）忙係事實，有機會忙都好好。（定咗係三年約？）應該係！」