官恩娜唔敢亂收戒指
歌手官恩娜（Ella）昨日為珠寶品牌擔任模特兒，問到會否叫男友送鑽飾？她說：「客戶好好，話會贊助我，戒指意義重大，唔可以亂收！咁耐以嚟我都未收過戒指，首飾都係自己努力賺錢買好啲！」Ella坦言新碟推出後忙個不停，她接受查小欣訪問時表示：「第一隻碟送畀男友，媽咪都係得張海報，認真衰女！」
她又表示近日有相士贈言，認為她跟男友不宜經常見面：「都好吖！橫掂佢有佢忙，我有我忙，掛住拍拖反而心散，平時都係傾電話聯絡感情！（結婚？）我同佢性格唔會閃電結婚，但一定會着婚紗！想搞個簡簡單單嘅婚禮。」
