王晶一句：四線奀星 愛女子涵立志做o靚模
除了熟口熟面的胸模，今屆動漫節有新面孔加入！挾着父親王晶大名的王子涵（Ada）決定做o靚模，首次踩入動漫節的她，將擔任Online Game開幕嘉賓，日前她試穿Game Girl戰衣，她說：「唔想衰畀老竇睇，我鍾意拍戲，但佢話我未成氣候，開戲畀我都係閒角，仲話我係四線奀星，至今耿耿於懷，所以決心闖動漫節，之後再入娛樂圈。」Ada笑言要做宅男女神，又不介意騷事業線：「但唔係下下騷出嚟，爹哋冇反對，仲話開心就做。」她曾考慮今年出寫真，但因時間緊迫作罷，談到動漫節會爆出是非，她說：「唔想用是非惹人關注。」
王子涵決定於動漫節打響名堂，成為新一代宅男女神。