Jeana受壓急抽鹽花碟

寸嘴見稱的何佩瑜（Jeana）在寫真戰先贏一仗，原打算於今日開鑼的動漫節推出重口味DVD，但因內容鹽分過高，受壓下惟有收起DVD，避免於老少咸宜的動漫節「獻世」。

強烈熱帶風暴洛坦逼近香港，風雨自然多，今日於灣仔會展開鑼的動漫節同樣多「峰乳」；靠寸嘴出位的何佩瑜（Jeana）一心在動漫節推寫真製作花絮DVD，可惜如意算盤未能打得響，據知因DVD內容鹽分過重，已遭受多方壓力要求禁止於動漫節出售。近日Jeana的DVD片段於網上流出，內容重口味，大特寫胸部及表演大髀內側挾酒樽，惹來網友批評！Jeana權衡利害後，決定抽起DVD，改於下月初才推出，但明日亦會以代言人身份出席動漫節遊戲商活動。

死撐後期未搞掂

不過，為了令宅男破慳囊，據知Jeana已諗好賺錢賣點：「會隨DVD附送『攻略』小道具，包括鎖匙窿、門、太陽眼鏡同百葉簾，等佢哋可以邊睇碟邊用小道具『輔助』投入啲。」問是否因受壓而延遲出碟？她支吾以對：「係後期製作未搞掂……總之唔係避！」她否認DVD教壞細路：「想畀大家睇到寫真睇唔到嘅嘢，拍嗰時唔覺意淫，就算細路睇咗都唔會變魔盜王！」

趙哲妤水着赴會

Jeana要押後出碟，許穎（Phoebe）乘勢出1.6米的1比1人形攬枕，她日前落旺角宣傳造勢外，昨晚更踩入會展點貨，又自摸攬枕的「胸部」合照。對於有指因形象問題被禁足動漫節，她說：「只係我人氣太勁，但我會照去！」而會以Cosplay Girl身份殺入動漫節的趙哲妤說：「到時着比堅尼踩場！」提到Jeana有「屠模刀」，她說：「我有權杖，威力大過佢把刀！」