霆鋒千六萬片酬爬栢芝頭

向來是影壇搶手貨的謝霆鋒，登上影帝寶座後身價急升，以逾1,600萬港元片酬勝張栢芝一仗，二人的新片更大有可能於明年打對台，未爭兒子撫養權先爭觀眾！

謝霆鋒與張栢芝的婚變風波鬧得滿城風雨，除了兩個寶貝仔Lucas與Quintus的撫養權分配外，二人的身家財產亦要慢慢計！栢芝復出後密密接戲，堪稱影壇「吸金后」，而剛奪得金像獎影帝的霆鋒，身價亦即時暴漲，片酬超過1,600萬港元，反勝身價1,500萬港元的栢芝，可謂先贏一仗！

雖然加了片酬，但霆鋒依然吸引各大導演爭用，除王晶、羅啟銳及張婉婷外，據知陳木勝、林超賢與彭氏兄弟亦與他斟洽新片，最近更有消息指袁和平加入戰團，力邀霆鋒夥拍型男金城武及王力宏拍攝新片《武當》！

除爭撫養權、鬥高片酬及鬥多人搶外，鋒芝的電影檔期亦撼到正一正！霆鋒主演的電影《逆戰》預計明年農曆新年檔上映（1月23日年初一），而栢芝正趕拍的《河東獅吼Ⅱ》則計劃於情人節（2月14日）上畫，由於《逆戰》氣勢強勁，要在內地上畫一個月絕非難事，故二人大有機會打對台，勢掀起另一串騷動！

袁和平打孖斟戲

記者昨日致電霆鋒經理人霍汶希，問到加片酬及接拍袁和平新片一事，她說：「霆鋒確實加咗片酬，但加咗幾多就係商業秘密，唔方便透露。八爺（袁和平）兩年前已經搵霆鋒斟緊兩部戲，但冇收過《武當》嘅劇本，好多謝八爺賞識，都好想同八爺合作！（《逆戰》同《河東獅吼Ⅱ》有機會撞到正？）百花齊放係好事嚟。」

此外，昨日傳出栢芝拍攝《河》片時無故曠工及呼喝工作人員，但劇組人員均作出否認，並力撐栢芝工作態度良好，亦未有無故曠工。