Jeana發道歉卡「對不起，寸親你」
寸嘴o靚模何佩瑜（Jeana）昨日竟以密實打扮與余曉彤出席活動，她坦言寫真戰告一段落，故打扮得較高貴擔任頒獎嘉賓：「晒咗（胸）一輪，抖吓先，等佢瞓吓覺，錢都袋咗落袋。（錢冇人嫌多？）遲啲有動漫節，自己有代言，有把『屠模刀』！」對於寸嘴言行，她改口風稱各位模是好朋友，透露會道歉補鑊：「大家成日提住我，即係掛住我啦！我哋夜晚會有慶功宴，準備寫張道歉卡，寫住『對不起，寸親你』，希望大家接受！」對於嗌大師姐周秀娜退休，她反駁說：「冇呀！叫佢去第二度發展啫！（逼佢走？）唔係！其他地方好搵啲。」而曾傳緋聞的組合Bro5成員Dominic，完全不畀面Jeana，坦言只會買糖兄妹的新書支持緋聞女友糖妹。
Jeana（右）封胸讓咪咪「抖吓」，任由余曉彤搶「峰」頭