Amy Winehouse 酒溝毒自殺

騷靈天后Amy Winehouse大前日暴斃,知情者透露她是與導演男友Reg Traviss爭執後自暴自棄,因而酒毒兩溝自殺,加入「27俱樂部」!

有傳Amy死前曾致電獄中前夫Blake Fielder Civil,被Reg發現後吵大鑊,Reg憤然離開後,Amy連續幾日於倫敦寓所狂隊威士忌、可卡因及海洛英,最終暴斃。據稱Amy臨死前主動向久未聯絡的老友發短訊作最後道別。

替Amy設計經典「蜂巢頭」的髮型師好友Alex Foden受訪時透露,估計吸毒飲酒的Amy極可能是自殺:「佢以前成日話想加入『27俱樂部』,成為眾多27歲逝世嘅傳奇歌手之一,喺最光輝嗰陣離開,唔使發現自己做唔番經典作品《Back to Black》嘅大碟。」至於MTV監製Danny Panthaki指其警員朋友透露,Amy是死於過量服用迷幻藥。其實Amy臨終前一晚曾接受唱片公司安排每周一次的身體檢查,當時未發覺有異樣。翌晨還在睡覺,但下午突然身亡。

Amy父母:「生命留空洞」

Amy父親Mitch與母親Janis發聲明說:「我哋失去一個出色嘅女兒、妹妹同姪女,喺生命留下一個空洞,希望大家尊重我哋私隱。」而Blake在獄中得悉Amy死訊後狂哭:「佢係我一生中最愛!」其母Georgette證實Amy死前曾與Blake聯絡,又指後悔逼二人離婚。Amy唱片監製Mark Ronson說:「Amy可以話係我音樂上嘅靈魂伴侶同妹妹。」另外,有傳Amy約3,600萬英鎊(約4億5千萬港元)遺產大部分會捐到流浪貓組織。

外娛組