40歲陳松伶32歲張鐸內地結婚
現年40歲的女星陳松伶與內地小生張鐸相差八年的「姊弟戀」終修成正果。久未在港露面的松松昨日到灣仔書展出席活動兼陪老公。幸福滿瀉的她事後在電話訪問中報喜：「已經結咗婚進入人生另一階段！今日同先生去書展，老公係好好先生，依家好幸福，好滿足家庭生活，唔需要隱瞞婚訊，如果隱瞞嘅話好乞人憎。」
成為「張師奶」的松松較以往發福，問到結婚多久，她說：「好短日子，喺內地註冊，未擺酒，喺適當時候會喺香港擺酒。（造人大計？）暫時唔會住。」
晒幸福：佢話養我
談到返港拍劇，松松說：「依家係全職主婦，呢份先係我嘅職業，老公畀嘅話都會拍，但佢唔想我太辛苦，話佢會養我。」但她透露稍後會為電台拍攝廉署單元劇。另外，昨晚松松與張鐸到紅館欣賞張達明棟篤笑演出，張鐸甫見記者即顯得有點怕醜。
陳松伶講起榮升「張師奶」，難掩幸福模樣。
發福不少的松松，與張鐸拍拖捧張達明場。