Fantasy男粉絲「露毛」扮Sexy
前日o靚模組合Fantasy四名成員Cammi（謝芷蕙）、Suki（劉玉卿）、Comi（馬婉雯）及Tina（林天），無懼酷熱天氣，踩入旺角行人專用區為寫真造勢，吸引大批途人圍觀。Tina穿上Deep V吊帶背心露事業線搶鏡，對於其他o靚模宣傳愈來愈激，她們表示不會模仿：「我哋有自己風格，走青春路線，今日都係嚟同途人玩遊戲，騷我哋嘅青春活力！」她們要途人模仿舞步，勝出者可獲簽名海報，其後眾女又擺出寫真內的性感甫士，有男粉絲跟住做，更露出腋毛，引得圍觀者發笑！而Comi及Tina當眾做出寫真內同性戀Feel的甫士，辣慶全場！
男粉絲跟Tina（左）和Comi擺性感甫士時露腋毛。
Tina（左起）、Comi擺同性戀Feel的甫士，與Suki和Cammi到鬧市谷寫真。