高海寧擔心繼父強顏歡笑

「無綫咪神」高海寧出席活動，對於繼父被傳捲入海關掃蕩翻版貨事件，她坦言感到不開心，也擔心繼父被起訴，但不會過問太多。

剛在珠海拍完旅遊特輯返港的高海寧，昨日與戴庚玲、林夏薇及Ana R.出席眼鏡品牌活動時，被問到有傳繼父捲入海關掃蕩翻版貨事件，她強顏歡笑地說：「喺我走嗰晚發生，有Keep住同爹哋媽咪聯絡，好開心冇記者騷擾佢哋，多謝大家關心，依家交畀警方處理。（擔心被起訴？）都驚，但依家未知點！（爸爸心情點？）有啲唔開心，但驚我哋擔心，所以話冇事，而我都唔會逼佢講。（會唔會暫時唔接外地工作？）我都有同爹哋講過，但佢唔想影響我工作，我最想佢冇事！」記者再問她為何不穿泳衣？她解釋想以Casual為主，故以沙灘裝上陣：「我裏面有着泳衣！（唔敢喺公開場合着？）唔係，只係品牌安排，其實我身形弗都唔介意，但拍旅遊節目增咗磅，我工作前特登做高溫瑜伽。」

戴庚玲恭喜Juno稱帝

同場的麥浚龍（Juno）前女友戴庚玲表示，有留意Juno在韓國稱帝，她也有發短訊恭喜他：「我哋仲係好友，間中會聯絡！」此外，汪圓圓透露早前與男友蔡加讚在香港遊船河，被問到怕不怕被偷影，她說：「依家慣咗，冇所謂！」對於早前男友因Fans在網上攻擊她而出言維護，她表示很Sweet！