衞詩恨見關楚耀

關楚耀（Kelvin）及舊愛衞詩（Jill）昨日出席書展，可惜緣慳一面。互談對方時，Kelvin顯得甚為避忌，而Jill就慨嘆未能見到對方，更坦言希望一齊食飯。

歌星關楚耀昨晨到書展舉行新書分享會，他表示新書會放到每間學校的圖書館，希望透過自己的經歷教導年輕人如何跌低後再站起來，新書主要分享經歷，並非為銷量。不過，提到前女友衞詩昨日同樣會到書展，他則甚為避忌：「唔清楚，冇聯絡！自己都好忙，要搞書、拍劇、新碟等。（你會送書畀佢？）我諗佢自己買啦！佢會支持嘅！（買佢嗰本？）會呀，當支持！」

讚男友支持

Jill於下午六時在書展舉行簽名會，吸引不少歌迷撐場，而爸爸Joey Vidal及男友Tim亦到場打氣，令她非常開心。提到Kelvin早上到書展，她為未能相遇感到可惜：「冇機會見到添，（好耐冇聯絡？）係呀！對上嗰次係我生日4月13號，佢傳短訊同我講生日快樂，仲話有機會搵埋大家嘅另一半出嚟食飯，不過到今時今日都冇點去做。（點解唔直接打電話畀佢？）唔知點解冇搵大家，可能未係時候，希望有一日做到。好耐冇見，唔知佢依家點，期待見到佢！」

Jill受訪時大讚男友非常支持她，雖然她於昨日出新書，但姊姊衞蘭（Janice）因身在泰國探訪，所以未能捧場，令她感到可惜。