Donut拒用「嗰啲嘢」谷書

組合Donut及Fantasy 5位成員昨日到書展谷寫真，Donut成員Alina餵粉絲食嘢，場面熱鬧，她們透露新書銷情理想：「我哋原本印咗兩萬本，依家都賣咗萬五本啦！會預備加印，但就未定數量！」對於一班胸模於書展群情洶湧，她們即「明哲保身」：「我哋勝在多人，個個有唔同形象，所以可以大包圍，吸引男女老幼！人哋就用嗰啲嘢做宣傳攻勢……（『嗰啲嘢』指乜呢？）身材同偏激嘅言論囉！我哋唔使咁囉！」她們笑言派冬甩及糖果造勢：「因為我哋嘅賣點係健康同甜美囉！」

Alina餵粉絲食嘢，引起哄動。