趙哲妤踩Jeana冇墨水
趙碩之、趙哲妤（Uny）及前Freeze成員陳樂榣等昨日出席飲食網站開幕活動，遲到的Uny否認踩場：「係大會臨時邀請！」她又大讚碩之友善，問到誰不友善？她說：「最多敵人好似係Jeana（何佩瑜），可能佢連『趙哲妤』3個字都唔識寫，咁難！（暗寸佢『冇墨水』？）唔好咁講，但我暫時未發掘到佢有內涵嘅一面！」
至於碩之則否認寫真過激，不會如許穎般露毛，亦不介意遭黃榕拉落水扮『熟』。對於Jeana於節目露點，她直言醜怪：「我不嬲『塞滿晒』，依家考慮打底！」而陳樂榣則寸胸模寫真似「飛機書」。
此外，Uny前晚舉行簽書會時透露，寫真在名人趙世曾大宅取景，因而「升呢」當一日女主人。對於Jeana以1元促銷寫真，她強調不會效法。
趙哲妤（左）與趙碩之路線相近，難怪惺惺相惜。
陳樂榣（左）慨嘆當年Freeze冇出寫真，令她大感遺憾。