羅拔姬絲汀旁若無人攬到實

演出《吸血新世紀4破曉傳奇上集》的羅拔柏迪臣、姬絲汀史釗活及Taylor Lautner前日於美國《Comic-Con》動漫展宣傳，羅拔與姬絲汀更罕有地公開親熱。

前日美國《Comic-Con》於聖迭戈舉行，羅拔、姬絲汀與Taylor現身《吸》片見面會，羅拔以怪異短髮亮相，被嘲似遭狂迷襲擊，而女友姬絲汀則穿白衫透黑Bra。二人罕有地公開親熱，令在旁的Taylor好不尷尬！至於配角Ashley Greene、Nikki Reed及Elizabeth Reaser為慰勞排隊4日的Fans，為他們簽名及拍照。

羅拔受訪時取笑姬絲汀：「佢拍片期間成日喺休息車睇煮食節目！」姬絲汀反擊：「最後得益嘅咪又係你！」姬絲汀又表示新片拍攝結婚戲時非常秘密：「所有工作人員都唔可以用電話同電郵。我話如果婚紗造型喺網上曝光，我會死畀佢哋睇！」並指拍攝期間休息時為免被偷拍，要着袍遮蓋婚紗。

眾星現身谷新作

另一邊廂，其他明星亦紛紛到場宣傳新作，基斯伊雲斯宣傳《美國隊長：復仇者先鋒》、Justin Timberlake與Amanda Seyfried宣傳《In Time》、莎拉米雪姬娜宣傳新劇《Ringer》、查理絲花朗與曉積文則分別宣傳新片《Prometheus》及《鐵甲鋼拳》等，而漫畫大師史丹利前日被傳入院，他其後否認。