楊怡綁架戲被譏似拍AV

陳展鵬於劇集《真相》中的演出備受讚賞，同劇的黎諾懿亦大讚，不過女主角楊怡則被網友嘲笑其一場綁架戲有如AV場面。

陳展鵬在《真相》中的演出大獲好評，同劇的黎諾懿也睇好他可在台慶頒獎禮中奪得「飛躍進步男藝員」獎，諾懿說：「佢係第一次擔正，畀着我都會有壓力，不過佢真係做得好好。」

「再隆高啲個鼻」

至於被嘲笑綁架戲似AV場面的楊怡，昨日出席活動時無奈地說：「點會諗到咁？我個人咁正直！」另有指她的鼻經醫生力證再修葺，她說：「睇又睇過、摸又摸過，我係有睇過個醫生，但係去脫胎痣。」她又笑說：「其實要整好多地方都想整，可能再隆高啲個鼻啦！」

此外，有讀者投訴指不少網民於無綫官方網討論區投訴劇集《ATF反恐》造馬不公，眨低有線視帝吳卓羲捧陳展鵬上位，但無綫竟刪除投訴。對此，吳卓羲表示大家應該以開心、正面去看每一件事：「可能大家過分緊張，展鵬係我前輩，我哋合作得幾好。」而展鵬則勸Fans應該以欣賞的角度去看待每一件事，自己也會聽取不同方面的意見。