周杰倫《逆戰》屯重兵鋪影帝路

周杰倫拍英皇電影《逆戰》，早前拉隊到約旦開工，唔錫身搞到損手爛腳兼傷腰，落力鋪路爭做影帝，其專業演出更獲導演林超賢大讚。

周杰倫（Jay）近年歌影雙線發展，更曾參演荷里活電影，近期獲邀與謝霆鋒合演林超賢執導的英皇新片《逆戰》，他早前隨隊遠赴約旦開工，「唔錫身」多番參與開槍駁火激戰場面，結果搞到損手爛腳，加上長時間吊威吔關係，觸發腰傷，但其專業態度值得欣賞。

近年連續打造兩位「金像影帝」的導演林超賢，昨日受訪時亦對Jay讚不絕口：「佢嘅演出無疑仲有啲青澀，開拍前驚佢喺應付動作場面方面力有不逮，但合作之後，發現呢位演員簡單直接，至少樣樣佢肯做肯試。」電影未上映，他已有意短期內再邀Jay合作開戲。

白冰激讚安志杰

至於《逆戰》大隊早前的約旦工作，獲當地政府大力協助，每日派出為數不少的軍人駐場，負責維持秩序，並借出逾百部坦克車、直升機及戰機等軍用器材作為道具。

片中女角白冰首次接觸槍械令她十分好奇，她大讚拍檔安志杰弗爆，穿上軍裝十分好看。後日她將會合Jay及霆鋒等，於北京出席《逆戰》記者會。