何佩瑜休戰睇書洗滌心靈

昨日休戰的何佩瑜（Jeana）難得清閒，未有落書展感受氣氛，寧願到旺角的書店買文字書，望睇書洗滌心靈。她穿上低胸衫繼續性感，並買了由視帝黎耀祥撰的《戲劇浮生》自我增值。

對於陳靜（DaDa）與趙碩之將於書展最後一天踩入會展，她說：「我唔踩人哋場，我有自己嘅場。書展最後一日，我會搞慶功宴，到時有得飲有得食，希望佢哋兩個會嚟！」對於被DaDa和碩之夾擊，Jeana再次發揮寸嘴本色：「有威脅性先會畀人對抗，咁仲開心啦！」

此外，網上流傳Jeana上張繼聰節目時疑似露點，Jeana說：「就算着比堅尼都唔會真空，好冇安全感。我睇過條片，記得當時黐咗深色乳貼，可能係咁出現誤會。」另外，Jeana和Hidy（余曉彤）在微博上載打碟相，為今日比堅尼宣傳作好準備。