DaDa碩之結盟反擊Jeana

寸嘴o靚模何佩瑜(Jeana)撩交嗌作風,令先後遭揶揄的陳靜(DaDa)和趙碩之決定結盟反擊,約埋書展最後一天踩場力抗死敵Jeana。

為達到曲線宣傳效果的Jeana,不時靠向其他o靚模開火增添話題,被她先後狂踩的DaDa及趙碩之,近日靜靜起革命,正式結盟聯手對抗。

昨午先有DaDa公司姊妹群起留言力撐,矛頭直指Jeana。「爆E超蓮」Iris率先留言:「未到最後一刻也不知誰是贏家輸家,陳靜我哋撐你呀!」,「E Cup教主」阿旦更說:「心地唔好嘅係唔會得到好結果。」師妹蔡瑩瑩則激動地回應:「周圍辣火頭嘅人唔係叫寸嘴,呢啲係叫冇教養。」留言人數不斷增加,施念慈及李蘊等紛紛表態支持。

互撐交換新書

除了微博反擊,DaDa和碩之更約定書展閉幕日(本月26日),雙雙入場互撐兼交換新書,問到碩之是否和DaDa聯手反擊,她說:「唔好咁講,呢個圈咁細,互相鼓勵係好事,地球係圓嘅!山水有相逢。」至於DaDa亦出言挺好友,她說:「約趙碩之交換書,因為我真係覺得佢本書幾好,唔係離譜囉!」

糖妹踩多一腳

遭死敵反擊之外,曾被Jeana搶緋聞男友Dominic的糖妹(黃山怡),亦即時劃清界線說:「佢唔係我男友,係Jeana男友。(Jeana話挑戰下面有窿人士?)咩下面有窿?佢係咪諗多咗?(信唔信佢個胸係真?)佢既然每句說話都咁相信自己,咁我咪信吓佢囉!(佢話戴兩個胸圍出席活動喎?)點戴?唔會移出嚟o架咩?佢都要戴兩個,我咪要戴五個?」

影視組

DaDa和碩之約定書展閉幕日, 雙雙入場互撐兼交換新書。(設計對白)

Jeana昨日到書店買文字書,希望睇書洗滌心靈。(設計對白)

對於Jeana指戴兩個胸圍出席活動,糖妹揶揄說:「我咪要戴五個?」