Kelly撐患病粉絲 淚洗書展

當眾o靚模鬥露骨、鬥少布「鹽浸」書展之際，潮媽陳慧琳昨日十足一股「清泉」般現身，力撐患病女粉絲的新書發布會，更雙雙「淚浸」書展，場面感人！不過，談及踩界的惹火寫真集，她坦言應「家長指引」！

書展寫真大戰昨日進入第3天，眾o靚模繼續各出奇招，以肉感打扮及出位言行引人注意，令人嘩然！正當眾o靚模「鹽浸」書展之際，曾當選「世界十大傑出青年」的潮媽陳慧琳（Kelly），昨日為支持患病女粉絲而現身書展，十足一股「清泉」。

自認懶無意出書

以簡約黃裙襯斜孭袋的Kelly，出席患有大腦麻痹症的女粉絲梁欣欣的新書發布會，並為對方的新書寫序。Kelly在發布會上表示，欣欣自中二起已是其忠心粉絲，由於她讀設計，當她得悉欣欣亦想修讀設計時，曾擔心自己錯誤影響粉絲選科，因欣欣連畫直線也有困難，說到此處，感性的Kelly忍不住嗚咽，要欣欣在旁安慰。Kelly大讚欣欣是她的驕傲，並寄語對方不要放棄，說罷二人相擁而泣。

其後，欣欣送上一塊寓意希望的調色板給Kelly，並哭着說：「我係平凡小人物，Kelly係我偶像，知道偶像同粉絲有段距離，但佢義務幫我寫序，仲出席發布會……」Kelly即時安慰她，但同時又忍不住落淚，場面感人。

近年不少藝人出書，問Kelly是否有興趣，她說：「冇乜特別嘢想寫。（寫湊仔經？）只係湊咗一、兩年，我買人哋啲書就差唔多。（退休寫書？）冇諗住寫，因為文筆唔好。（畫畫？）好少少啦！但好花時間，我又懶懶哋，寧願花多啲時間湊仔。」問到會否為囝囝「蝦餃仔」劉昇出寫真，她笑說：「平時都有同蝦餃仔影相，仲拍咗好多片添！」

寫真應家長指引

談及o靚模寫真集氾濫，Kelly坦言有留意：「最具爭議性嗰啲，報紙都印晒啦！（過火？）都係咁上下，如果唔係邊有人買？買得嘅都係成年人，都包咗書啦！（冇包o架喎！）咁要家長指引同老師幫手。（將來囝囝會睇？）到時可能唔興呢！又可能仲更加激，到時先算！」她還表示想喬裝行書展，但擔心引起混亂。