余翠芝變髮轉Look送驚喜
唱作歌手余翠芝（Chita）日前偕巨聲2幫隊長陳國峰及吳業坤，齊應ZESPRI活動邀請擔任嘉賓。早前Chita曾公布將簽約一間內地的經理人公司，但她又稱計劃有變，現自資出碟：「我唔係同嗰間公司鬧不和，只係間公司想我將重點放喺內地，仲係以拍劇為主，但我最鍾意出碟唱歌，既然大家方向唔同，咁咪唔簽約囉！」Chita承認少接內地劇令她錯失「錢」途，可是她自認是「硬頸」之人，只想做自己喜歡的事。
問到形象會否與之前不同？她說：「我剪咗短髮，仲染埋淺色，但我唔係走日本妹路線。」Chita透露為帶給歌迷新鮮感，其造型不停更新，或下次會以「爆Look」示人，希望每次為歌迷帶來新驚喜，現她預計年底或明年初推出新碟，新歌亦快將派上電台。
巨聲2幫的陳國峰（左）、吳業坤和歌手Chita早前出席活動。
Chita自資出碟，更表示會經常轉造型為歌迷送驚喜。