Ines@Jelly Girls出食譜
組合Jelly Girls成員Ines在書展中以溫柔清純吸納宅男粉絲，推出寫真形式的食譜，但近日網上相簿發現她的錫嘴結婚照，問到Ines是否已婚？她說：「結咗婚近半年，同老公喺沖繩結婚。」問到會否怕己婚身份令宅男卻步？她表示不認同，反而指可吸引男女粉絲：「人妻都有市場，出食譜教煮嘢食可以吸納女粉絲，而男人就鍾意溫柔嘅女人。」
擁有36C豐滿上圍的Ines，在食譜中亦會大晒身材，但絕非意識不良，當中有不少生活化的靚相。問到不拍性感照是否因老公呷醋？她表示獲老公全力支持，對方絕冇詐型：「佢事前仲幫我做白老鼠試味，食咗好多，直至校啱味為止，而且每次一拍攝就要預備十幾個菜式，要買勁多材料，佢就會陪我去街市幫手拎嘢。」
Jelly Girls成員Ines推出食譜，希望吸引男女粉絲。
Ines早於半年前已與老公在沖繩結婚。