甄子丹自嘲賤骨頭

甄子丹因拍戲而精神緊張，以致難以入睡，「頹Look」卻令他成功投入角色。他無懼拍攝時身處險境，更風趣地以「賤骨頭」來形容自己！

甄子丹在影壇的成就已被肯定，但他深明「不進則退」之理，接拍陳可辛新片《武俠》時，更被自己無形的壓力所牽累，以致晚晚失眠：「可能我拍緊呢場戲，但個腦已經諗定下一場點演點做。我太太問我點解晚晚失眠，我話畀佢聽成日喺度諗緊點拍。」在拍攝的多個月中，他每天只睡三、四小時，想不到其「頹Look」竟非常切合角色人物需要。

大隊遠赴雲南取景之初，陳可辛放眼一望無際的風光及瓦屋頂，覺得倘若子丹及惠英紅在瓦屋頂上疾走，氣勢會很磅礡，故費盡唇舌游說居民借出屋頂：「雲南人迷信，佢哋唔會輕易借出屋頂畀人踩，尤其知道小紅係女人，所以我哋要逐家逐戶同佢哋傾。單係拍呢場戲，前後花咗一個月時間，期間仲有工作人員畀啲瓦片(界刂)到成手血！」

怕踩中牛屎

談及多場戲的危險程度，子丹顯得相當豁達：「好似運動員咁，成日拉傷身體各部位，而我拍部部戲都危險，做得嘅天生賤骨頭，只希望自己每次演出都可以有所提升，等大家明白，武打演員都可以係好戲嘅。」他笑言當時不怕被瓦片所傷，反而擔心「叉錯腳」跌入牛棚中牛屎招，陳可辛即插嘴表示肯定子丹的專業態度及演技，兩人惺惺相惜。

而片中另一主角金城武突然被傳已婚，與對方合作無間的陳可辛成追訪對象，他說：「我點知佢有冇拍拖呀！問番套戲嘅嘢啦！」