李泳漢揭思琦真面目

楊思琦單方面宣布與男友分手，並與李家爆罵戰，成為全城熱話！日前ontv《娛樂on Show》邀得豪仔哥哥李泳漢與主持俞詠文獨家對話，大爆弟弟的分手內幕！

向來緊貼娛樂消息的ontv《娛樂on Show》，為觀眾帶來藝人最新動向！早前楊思琦宣布與李泳豪結束9年情，不甘豪仔受辱的李家齊齊槍頭對外控訴女方，當中以李泳漢最激動！日前他接受《娛樂on Show》主持俞詠文（Angela）獨家專訪，為弟弟澄清失實報道，並公開思琦以往在李家的言行，誓為弟弟討回公道！

泳漢表示弟弟還未接受分手一事，情緒依然低落：「未好過，唔係平時嘅佢，一返屋企就返房鎖埋自己，唔畀機會我哋同佢傾偈。」思琦是豪仔的初戀情人，加上拍拖9年，難怪豪仔難以接受，泳漢說：「我只可以講佢真係好愛呢個女人！」

對於思琦指控李家上下在家當她透明，泳漢勞氣地指全家一直對她關懷備至：「例如豪仔出國，交帶落叫我照顧，佢（思琦）兩、三點收工，我都去接，冇可能當佢透明！唔知點解佢咁講，嘢唔可以掉轉講囉！」對於思琦自稱貼錢給男友及李家，泳漢揚言絕無其事：「冇用過佢啲錢，話幫豪仔還卡數，絕對冇！豪仔絕對唔使女人錢，唔可以誣衊佢食軟飯！」

生日禮物得一份

雖然與思琦關係變惡劣，但泳漢坦言曾收到思琦一份生日禮物，當時感到很溫暖：「佢咁耐送過一份生日禮物畀我，係03年，佢親手焗咗個馬騮樣嘅麵包畀我，豪仔都有一個，不過之後就冇喇！」對於思琦突提分手，他無奈地說：「真係唔清楚佢點解離開，但佢已經33歲，應該對自己嘅行為負責，唔可以推卸責任！」想聽泳漢爆料？想知道思琦平日怎樣對待男友？快Click上ontv睇片啦！