葉翠翠包冚淋雨防走光
葉翠翠近期忙於拍攝新劇《4 In Love》，日前她與韋家雄到上環拍攝淋雨戲，二人在風雨中淋足三個鐘。翠翠對該場戲充滿憧憬，但她笑指實情是拍攝時狼狽不堪，談不上浪漫：「自己好期待呢場淋雨戲，一路都好想試吓十號風球喺街淋雨嘅滋味，收到消息開心咗幾日，但拍嗰陣原來好凍，拍完都有啲唔舒服，收工即刻返屋企沖熱水涼同飲薑茶暖身。」
由於要濕身上陣，翠翠表示事前做足三重打底防走光：「特登揀條深色裙，驚淺色濕咗會透視。除咗Tube Top之外再加埋底衫、背心、短褲防走光，雖然熱啲但最緊要安全！」
由頭濕到落腳的翠翠（右）做足安全措施防走光。
翠翠與韋家雄狼狽地跑入電話亭避雨。