林熹瞳台前幕後任縱橫

有「怪談女」之稱的林熹瞳（Rachel）早前「升呢」任製作公司策劃總監後，更準備發揮其他才華，她說：「《男右女左Dr. Yes》算係我『升呢』後第一份功課，由度橋、寫稿到聯絡，我都有參與，雖然捱咗好多晚通宵，但好有滿足感，好期待節目出街後觀眾嘅反應。我仲構思緊環保、時裝節目，亦籌備緊一齣電影。（想做全能幕後人？）由始至終我都想拍電影，但有機會就樣樣都接觸吓，好好裝備自己。」

與Rachel屬同一經理人的港男白健恩亦大讚Rachel的魄力：「Rachel兼顧幕前幕後，佢忙到黑眼圈都大埋，我送咗全球限量五十副嘅太陽眼鏡畀佢打氣！」

港男白健恩送上太陽鏡替Rachel打氣。