張慧雯處女作怕Kiss

應屆國際中華小姐季軍張慧雯參選時被封為「苟芸慧師妹」，近期亦接師姐棒備受無綫力捧，處女作是在新劇《On Call 36小時》中飾演見習醫生，但她最擔心是要拍親熱戲。

張慧雯即將拍攝由潘嘉德監製的《On Call 36小時》，演出經驗不多的她事前做足準備，她表示獲悉新工作安排後即閉關，狂刨同樣是醫生題材的劇集《妙手仁心》學演技，捕捉醫生神髓，又計劃到醫院觀察醫生的工作情況，為角色做好準備：「我喺外國返嚟，Daddy提議我不如去醫院睇吓香港啲醫生嘅工作情況，我都諗住去睇吓，咁樣感覺會真實啲。」

受無綫力捧的張慧雯，入行不久已經工作多多，問到首次拍劇可感到壓力甚大？她指十分期待新挑戰：「雖然第一次拍劇，但唔會畀壓力自己，公司會安排演戲訓練，自己一直都有聽前輩講，不時對鏡練習表情，同埋最緊要做好本分，聽監製指示，衷心學習、盡全力就得喇！」

興奮多於壓力

張慧雯對拍攝處女劇雖然興奮多於壓力，但同時亦感到憂心：「依家最緊張係唔知有冇親熱戲！睇戲就睇得多，但到依家要自己做就真係唔知點演繹，Kiss真係有啲難為情。」