抱鬃獅蜥合照徐靖雯嚇到面青

模特兒徐靖雯與傅嘉莉昨日出席在大埔超級城舉行的《新地夏日奇蛙異卉展》記者會，二人抱起鬃獅蜥合照，徐靖雯嚇得不知所措，她說：「感覺到佢嘅心跳同體溫，好恐怖！」她又坦言最怕曱甴：「見到點？逃走囉！我覺得可能天氣問題，香港夏天特別多，反而北京就少見。」問到會否與追求她的男士到沙灘游泳？她說：「附近飲茶就有！我唔想私生活受工作影響，搞到我都成日驚畀人影到，我好希望自由拍拖，渴望平民化生活。」

此外，徐靖雯表示有留意寫真戰，但揚言自己是Top Model，不想與o靚模比較：「我比較鍾意做Fashion同行天橋。（係咪o靚模貶低模特兒？)唔可以用貶低呢兩個字，不過我都有睇其他人寫真，但自己就唔會考慮。」

徐靖雯（左）有傅嘉莉壯膽，勉強抱住鬃獅蜥合照。