天華法拉實彈練靶心寒
謝天華與陳法拉日前為新劇《潛行狙擊》到旺角警方的正式練靶場練槍，據知全因故事劇本正面，而監製莊偉健事前已將劇本交給有關方面申請，故罕有地獲警察公共關係科批准入內拍攝，現場亦有警方公共關係公關及警官從旁協助及指導。
天華與法拉首次發射實彈真槍，二人坦言開了第一槍後都感到心寒及心震。天華說：「我哋用嘅係現役CID所用嘅手槍，開槍時後坐力好大，我哋戴晒耳罩，唔戴一定會聾。（係咪好過癮？）都幾o架！嗰日都開咗五、六十發子彈。」而法拉則說：「開第一槍時都心寒，因為未試過，唔知個彈頭會唔會彈出，之後連續開咗兩發子彈開始定啲，試過一次過開咗十槍，假若第日喺外國發生突發事件，有槍喺手都知道點開，當然唔希望有咁嘅事發生啦！」
天華表示開真槍後坐力好大，更要戴耳罩保護。
初次作實彈射擊的法拉說：「開第一槍時都心寒。」