許亦妮堅料唔使Push

十四位香港小姐候選佳麗昨日出席試戴首飾活動，(3)許亦妮穿小Deep V連身裙，谷出事業線，搶盡「峰」頭，她更揚言「唔使Push」。

十四位候選港姐昨日出席試戴首飾活動，佳麗穿上大會提供的連身裙，其中以(3)許亦妮最為突出，獲分配一條小Deep V連身裙的她谷出一條事業線，參選以來靠是非出位的她今次終搶盡「峰」頭，可算出番一口氣。

關曉琳自稱有禮

而她自覺不算突出：「條裙係大會安排，仲有其他佳麗都係呢個款。（你最突出？）係咩？多謝，不過我做足安全措施，唔會走光。（唔使Push都有咁嘅效果？）應該唔使。」

至於獲選「最佳首飾演繹佳麗」的(8)蘇文獲贈總值5,000港元的首飾，她認為佳麗各有特色：「自己嘅特色就係講廣東話唔正，不過會繼續學。」

有讀者爆料指(2)關曉琳冇禮貌，她回應時自稱有禮，表示乘搭交通工具都會讓座予老人家。對於被指經常夜蒲，她說：「我喺香港出世，7歲移民咗去加拿大，我喺兩邊嘅生活都好簡單，最多都只係同朋友出去食飯。」她坦言對事件感到無奈，認為爆料人只是不熟悉她才產生誤會。