Twins明讚暗踩不屑鬥胸模

o靚模寫真集攻陷書展，加上言論火爆，例牌「霸佔」報刊不少篇幅。不過，Twins大唱反調，不屑新碟Boxset「進駐」書展鬥o靚模，陳嘉桓與HotCha亦加入暗寸行列。

人氣女子組合Twins與林欣彤等前晚錄影《勁歌金曲》，提起書展如火如荼，初出道時曾推出水着寫真集「峰」魔萬千宅男的Twins自信「大個女」，不屑與「露模」對撼：「我哋新碟連寫真集Boxset冇喺書展賣喎！反正係限量版，放喺出面都唔夠賣啦！」並透露是次寫真集告別泳裝，展現華麗美態一面，亦不擔心因保守而遭「胸軍」揮低：「我哋一定冇得比，佢哋咁噴血！」暗寸o靚模濫露。

Twins昨日出席頒獎禮兼獲得兩大獎，兩人透露新碟已火速斷貨，網上更有人炒至$450高價，阿嬌說：「物以罕為貴嘛！暫時唔會補印。」

另一邊廂，年僅19歲「o靚爆」的陳嘉桓（Rose）昨日以短打出席活動，對o靚模寫真集攻陷書展亦大感不屑：「我對佢哋啲寫真冇興趣，唔知邊個打邊個！淨係知佢哋成日自稱『健康』性感，好似我咁打功夫就叫健康！」自言希望以「書迷」身份入場的她笑言，屆時不會以性感打扮示人，故不怕遭宅男「圍攻」。

HotCha：賣字不賣身

此外，女子組合HotCha成員Crystal昨日出席新書簽名會，隊友Regen及Winkie等亦有捧場。昨日26歲生日的Crystal獲粉絲送上蛋糕及唱生日歌祝賀，她說：「今年收到最多嘅祝福係搵到男友！（係咪生日願望？）都係其中一樣！」問到會否擔心輸給o靚模，Crystal表示路線不同，但擔心沒有人留意，Winkie即力撐她賣文字不賣身，乘機插o靚模而為好友造勢。