Becky轉戰場外頂「爛」市
今年有份出寫真的o靚模利梓僑（Becky）及組合冬甩成員Ice，昨日雖未有踩入書展谷銷情，但另覓場地在外宣傳。Becky穿上印有肖像的「爛T恤」在灣仔海旁派傳單，因跌膊露臍，吸引不少龍友埋身合照，兩名忠實男粉絲更穿上同樣肖像T恤撐場，冧到Becky說：「Fans好好心，知道我想換便利店嘅公仔，今日攞齊印花畀我！我會喺買我寫真嘅人度抽出一位幸運兒，送我着緊呢件衫畀佢。」
至於Ice亦毫不輸蝕，露膊晒腿到會展附近派糖，引來男女老幼搶糖，她說：「冬甩兩日入書展但我都唔得閒，所以諗呢個方法吸引大家。」
Ice在場外派糖，反應熱烈！
Becky着爛衫露膊宣傳寫真，獲不少男途人邀合照。