李蘊寸胸模教壞細路

歌手李蘊昨日到書展谷寫真集，吸引大批宅男逼爆攤位，由於本月27日是其20歲生日，大會準備蛋糕及鮮花祝賀。對於胸模露毛兼露暈，李蘊即劃清界線說：「或者啲相係後期加工，總之我本寫真唔會教壞細路！（你咁密實好輸蝕？）我出活動好少性感，性感就要睇我本寫真！我唔使同其他Model鬥性感，唔想粉絲同屋企人唔鍾意！」談到生日願望，她希望寫真及新碟銷情理想。

李蘊表示寫真已印1萬本，首日銷情比預期中理想。