阿Sa生BB 最想似阿嬌

Twins昨日舉行寫真集及新碟發布會，剛從內地拍劇返港的阿Sa（蔡卓妍），被發現飛車到男友陳偉霆（William）寓所過夜，她笑說：「都係做正常情侶做嘅嘢之嘛！」

昨日Twins舉行寫真集及新碟發布會，吸引大批傳媒採訪，剛從內地拍劇返港的阿Sa，扁嘴自爆見男友陳偉霆（William）不足兩日便要分離：「我啱啱返嚟佢就要飛！」對於被拍得甫落機即飛車到William寓所過夜，阿Sa坦言發現狗仔隊偷拍但沒有理會，因為要爭取時間見面：「太少時間喇！（有冇過夜？）唔話你知！都係做正常情侶做嘅嘢之嘛！佢要去蒙古拍戲，長途跋涉好慘，我喺側邊指點佢執行李！」

此外，對於前夫鄭中基指女兒不像他，阿Sa想了想才說：「最好似媽咪個樣，似佢（鄭中基）嘅智慧同才華就Perfect！」她又指將來若生BB，最想似阿嬌（鍾欣桐），嚇得阿嬌瞪大雙眼說：「多謝晒！」

影泳照怕尷尬

適逢書展首日開鑼，要與一眾模性感寫真互撼，阿Sa自嘲：「我哋着校服鬆身咁多！（你哋Sell純情？）唔係，係Sell紀念冊。」問到為何沒有性感泳照，阿嬌說：「寫真唔一定要着泳衣，可以有唔同感覺！」阿Sa則說：「其實以前着泳衣影相都好尷尬，喺朋友面前着梗係冇嘢啦！多人睇住就尷尬！」