劉心悠着比堅尼感覺全裸

劉心悠（Annie）前晚出席頒獎活動，穿上復古短裙的她透露最近忙於還廣告債，第三度任脫毛公司代言人的她說：「滿意酬勞，年年都加碼，送咗好多嘢畀我，又可以做全身脫毛。（比堅尼位有脫？）冇，我好保守，唔着比堅尼。」她表示着比堅尼像沒着衫，所以只有一件頭泳衣。提到模行性感，Annie直言難以接受：「呢啲相影咗就成世，第時生女都唔會支持。」

同場的梁漢文讚好友鄭中基生女勁：「咁短時間可以做咁多事，我都係見佢發聲明先知佢哋有小朋友。（見過？）未呀！似佢就大件事！似媽咪係好事，替佢兩公婆開心，鄭東漢退休又可以抱孫！（你自己？）隨緣啦！」

Annie坦言着比堅尼似沒着衫，難以接受行性感。