碩之Big爆：墮都要有本錢

那邊廂一班o靚模到書展踩場，這邊廂亦有「寸嘴o靚模」何佩瑜（Jeana）及余曉彤（Hidy）於鬧市舉辦活動。而「岩石胸」趙碩之（Wylie）亦到電台為寫真造勢，更暗寸Jeana僭建，火藥味甚濃！

穿上低胸衫的Jeana及Hidy，昨日於銅鑼灣鬧市舉辦《美女禁室》活動。二人分別坐人力車及價值380萬元的林寶堅尼出巡，Jeana更於玻璃禁室內吃雪條、吹肥皂泡及烏低身拍照，大騷事業線，引來二、三十名龍友狂拍。

到處辣(慶)火頭的Jeana成為眾矢之的，遭各o靚模狂插。對於被「葛民輝Icon Girl」許穎寸她搶閘賣才賣得好一事，Jeana不屑地說：「睇吓點，佢咁鍾意吹水，留番畀佢吹！」

擺擂台冇人吼

而身穿紅色低胸露背連身長裙到電台宣傳的Wylie，對於被Jeana寸「墮胸」，她亦不留情面地暗示對方僭建：「有得墮都要有本錢，佢以前嘅身材都幾順眼，依家佢可能先有番啲自信。（點解唔出席Jeana擺下嘅擂台陣？）梗係唔去，淨係得佢同Hidy，就知冇人理佢啦！淨係喺微博度出英雄帖，咁冇誠意！」

對於被指玩3P濕身透點搶「百果園咪神」陳靜「峰」頭，Wylie表示大家的宣傳手法不同：「件衫絲質，濕咗就會透視。我覺得黐乳貼好覺眼，所以主動要求唔打底。啲男模特兒都覺得好愕然，因為當時（個胸）跌咗出嚟。（出年全裸？）暫時唔諗住，係都唔會喺出年。」