許穎飛 Bra誘上床 DaDa派甜頭

寫真戰正式爆發!陳靜(DaDa)、許穎(Phoebe)及Donut等昨日趁書展首日踩場造勢,DaDa化身可愛小蜜蜂派糖引宅男,而Phoebe則露Bra迎戰,更口出狂言表示其露毛寫真是想營造性交感覺!

書展昨日揭幕,大批宅男及龍友晨早排隊入場,打算一窺女神艷光,無奈眾o靚模為免被驅逐而打扮失「色」,當中以Phoebe衣着最有睇頭,背心愈跌愈低,飛出大大個Bra!至於論排場,以「百果園咪神」DaDa為首的陣營最強勁,她率領「E Cup教主」鄧伊玲(阿旦)、「雙E孖寶」鍾采羲(Iris)及林宜芝(Monna)化身小蜜蜂登場,同行有蜜蜂女郎派糖及十多名保鏢傍實,吸引逾半百人圍觀,更有兩名龍友爭「嗒糖」!

加印露毛寫真

DaDa表示本打算扮代表正氣、團結、陽光及富頑強生命力的大黃蜂,但最後改為扮蜜蜂。阿旦則表示本想扮變形金剛打救人,問到打救誰?她即寸爆經常撩是鬥非的何佩瑜(Jeana):「最近有人成日鬧人,如果佢喺度都會派糖潤吓佢,但唔會嗌交!」在旁的DaDa即說:「想幫佢,唔係打怪獸,以和為貴。」對於寫真被指以鼻毛凸圍,DaDa笑言無奈又無辜,並趁機暗寸Phoebe:「鼻毛個個都有。(趕客?)我露嘅個個都有,反而露其他唔開心。(好似Phoebe疑露毛咁?)係!」她表示寫真印了2萬本,正準備加印。

至於谷行「湯碗胸」兼飛Bra的Phoebe,被龍友狂影胸口。對於在寫真中疑露毛,她直認不諱,更口出狂言表示想營造性交感覺:「影嗰陣唔知,好投入,但睇番都覺得係。不過冇所謂,又唔係露晒!(怕被列三級?)只係唔覺意,唔係特登。(做賣點?)唔係,賣點係攝影師,其實露毛唔出奇,本寫真想畀人性交嘅感覺。(列為18禁?)唔知!」她表示已印製萬多本寫真,相信快將加印。

Rainbow自誇高貴

除DaDa及Phoebe等踩入書展外,5名Donut及Fantasy成員亦巡攤位造勢,但打扮欠睇頭。大師姐胡心諾(Rainbow)表示今年行高貴路線,加上有保安一對一保護,故不怕被博懵。對於Phoebe寫真疑露毛,她不屑地說:「我哋本書賣唔同嘢,佢重口味唔啱我!(太Cheap?)見仁見智,佢啲相唔係我杯茶!」

至於中國小姐趙哲妤則自誇寫真有藝術感,並表示為尊重大會而「封胸」,問到誰是最大對手,她暗寸Jeana說:「每個都有威脅,Jeana人氣爆燈,但平時衣着都係咁性感,你仲會唔會買同一樣嘢嚟睇?」

對於多位o靚模殺入書展,貿易發展局副總裁周啟良表示,她們的克制行為未有影響秩序及人群安全,暫未收到相關投訴。對於寫真尺度大膽,他表示會派員了解寫真是否屬第二類不雅物品,但相信未達此程度,否則不能入書展,但他不鼓勵o靚模在場內談及性話題。

專案組

谷盡「湯碗胸」的Phoebe,谷到連Bra亦飛出來宴客,非常落力!

Phoebe拗盡S腰黐近Fans,當時她的Bra還未「破衫而出」。

DaDa(右起)率領師妹鄧伊玲、Iris及Monna派糖,大受歡迎。

被重重包圍的DaDa,在保安開路下仍驚到面青青,並雙手護胸。

Vilian(左起)、Caroline、大師姐Rainbow、Cammi及Suki,齊齊啜糖誘Fans。

單膊出戰的趙哲妤自稱刻意密實,以免破壞書展秩序。