問到與品牌合作三年酬勞有否加碼？早前到紐約拍宣傳相的她說：「冇減我價，Mr. Armani好重視我，拍攝時仲帶朱古力嚟探班。」問到美國之行有否探望身在洛杉磯的大肚好友林熙蕾，她即笑言被對方寸：「早前同佢講我肥咗，佢話：『我依家7個月都係重你1.5kg咋！』」感情方面，她不排除姊弟戀：「唔會Set極限，曾經有大超過十年嘅男士追求，可能我早熟，同年紀差唔多嘅溝通唔到。（等緊愛？）等緊假。」
舒淇趕戲冇覺好瞓，但出席活動仍見明艷照人。
