林莉全裸玩人體水晶刮損Body
林莉昨日為其慈善攝影集《冷靜與熱情之間》舉行發布會，一身水晶Look的她表示今日便出書，心情很興奮：「今日有五位造型師幫我打造咗呢個Look，用咗差唔多七個鐘。我係香港第一個模特兒展示人體水晶藝術，攝影集入面有一個造型係全身赤裸，淨係着T-back同喺身上貼水晶。今次主題係環保，背景都係啲大自然景色。因為上年本人體彩繪攝影集有好正面嘅評價，我想再搞啲高檔藝術突破一下。隨書會有隻DVD，入面係一個關於時裝嘅音樂劇，背景音樂由一位音樂大師度身訂造，由大導演拍。」
她又透露身上因貼水晶而留有很多印，並大談拍攝辛酸史：「我喺俄羅斯咳到氣管敏感，橫膈膜好痛，影相時又拗親條腰，要抖成十幾分鐘先郁到，其中有一件有窩釘同鐵片嘅衫又刮損咗我嘅身體，但覺得好值得，好難忘！」
林莉示範人體水晶藝術，並大呻拍攝時的辛酸史。
林莉在寫真集中大騷美腿，性感誘人。