阿Sa心急做媽咪

為慶祝出道10周年，Twins推出限量紀念Tee及一系列產品。而蔡卓妍（阿Sa）前夫鄭中基（Ronald）榮升老竇，阿Sa亦不諱言想設計BB衫，更坦言心急做媽咪。

組合Twins昨日出席《GROUND ZERO X TWINS 10》記者會，二人表示一系列紀念品是由相識十年的設計師好友Eri和Philip操刀，問到可有給予意見？阿Sa說：「少少啦！識咗咁耐，佢哋都好了解我哋嘅喜好。（仲想設計咩產品？）好想呢個系列出埋BB衫！」提到前夫Ronald剛榮升爸爸，杜汶澤更指BB女的矇豬眼似足老竇，阿Sa說：「係咩？（出BB衫會唔會送畀Ronald？）都要等出咗先！（會唔會送嘢畀佢個BB女？）我諗遲啲先，起碼等冇咁多人追訪先得。」鍾欣桐（阿嬌）又說：「佢咁有錢自己買啦！」阿Sa則大方地說：「唔係好貴啫。」

首要調理身體

問到阿Sa可會心急做媽咪？她指身邊不少朋友都當了父母，見面時都會大談湊仔經：「真係要快啲生！但我身體差，要等我調理好身體先。」此外，杜汶澤在微博上載與Ronald穿禮服為電影煞科拍合照，並祝賀Ronald當上「星爸爸」。