DaDa領軍闖會展

不少o靚模今年放棄在書展搞活動，改到商場舉行簽名會，不過「百果園咪神」陳靜、「雙E孖寶」鍾采羲及林宜芝及中國小姐趙哲妤等卻準備偷偷踩場抗衡！

去年書展大會「封殺」o靚模入場內舉行簽名會，不少人今年放棄入內搞活動，當中陳靜（DaDa）挑選旺角為據點：「唔硬闖書展喇！24號去旺角商場搞簽名會仲好！（派吻、派糖？）唔喺書展派乜都得！」不過她預告明日書展開鑼，會與好姊妹「E Cup教主」鄧伊玲（阿旦）、鍾采羲（Iris）及林宜芝（Monna）到會展踩場：「唔會性感、唔合照、唔簽名，純粹買嘢食慰勞工作人員！」

至於Iris與Monna使出雙封面谷銷量，兩女競逐成為DaDa接班人，推出個人月曆，以露背出浴照為封面的Monna認為較着數，而玩「側漏」的Iris則說：「我內有乾坤，唔只一輯出浴相，重要部位都會濕！」她們會與阿旦在尖沙咀的商場搞簽名會，阿旦更以限定的即影即有簽名相吸引粉絲。

黃榕派雪糕香水

另一邊廂，黃榕除了有意到旺角的商場搞簽名會外，還有其他搞作：「星期三會去尖沙咀嘅商場派雪糕，遲幾日去中環派香水！」她自言親民，想爭取機會見粉絲，宣傳多籮籮的她，在寫真中半裸坐在浴缸邊掩胸扮濕身。她還表示正趕印寫真，待寫真正式出版時會到會展踩場。至於趙碩之（Wylie）的簽名會則在尖沙咀的商場舉行，她預告會作性感打扮及播寫真花絮吸引粉絲。而中國小姐趙哲妤則搶閘在書展首日正午入場視察。