Jeana爭位宣傳同門冇面畀
寸嘴o靚模、 周秀娜師妹何佩瑜（Jeana）日前擺擂台單挑同行但冇人理，只得同門兼同期出寫真的余曉彤（Hidy）撐場。兩人由頭「鬥」到尾，昨日繼續聯手踩入旺角的書店為寫真造勢，爭櫥窗位貼海報谷銷量，「擾攘」期間被宅男認出圍觀。期間，有女粉絲豪訂兩女各二十本寫真集，Jeana與Hidy即識做地簽名及合照，Jeana直言十分感動：「一直以為只有男仔捧場，估唔到有女仔鍾意，真係好開心。」
提到與Hidy經常鬥嘴，Jeana自言大家「露」線不同：「唔係超級對立，我走Sexy路線，畀讀者幻想空間，但Hidy潛水又攀石，係運動型。（最想打低邊個？）梗係個個都要打低，同門都冇面畀。（林青霞都喺書展出書喎！）我嘅目標只係出寫真集嘅女仔，會捧場買佢嘅書。」Hidy則表示出寫真集只是第一步，最近到內地拍攝楊盼盼的電影做打女，更與劉璇合作。
Hidy親自貼海報，隨即被粉絲認出，可見人氣強勁。
Jeana與Hidy爭有利位置擺放寫真集，吸引途人目光。