徐淑敏拒拍大肚裸照
港姐徐淑敏（Suki）昨日出席《MegaBox呈現Disney Junior傑克與夢幻島海盜樂園揭幕禮》，她雖然懷孕七個月，但仍大無畏地穿上四吋高跟鞋！她說：「依家119磅，已經重咗20磅！之前去咗峇里島、蘇梅島同印尼旅行，嚟緊呢半個月都會繼續飛，因為老公鍾意久唔久離開香港。」她又透露近日常於網上購物，更買入大量泳衣，希望於產女後三個月內收身，拍一輯漂亮的泳衣照。
問到有沒有計劃拍大肚裸照？她說：「冇喎，有朋友提議過，不過冇刻意去做。我一定要着衫，因為靚啲！有同老公影啲淨係見肚嘅相，不過係自己收藏。」她笑言囡囡會摸着她的肚子叫「妹妹」，令她感到非常溫馨。
Suki雖然懷孕七個月，身材仍然Fit爆。