「我精神還在」 Regen@HotCha澳洲落田

女子組合HotCha成員Regen鐵定九月啟程往澳洲遊學，昨日在活動上透露會到當地的農田體驗生活，問到會否擔心回港後做不成歌手？她說：「隨緣，但我精神還在！」

昨日女子組合HotCha與鄭融、鄧穎芝及MC Jin等歌手出席《2011年度九龍城區暑期活動澎湃嘉年華》，被指介入Neway老闆薛世恒和陳法拉戀情的HotCha成員Regen，已決定於9月啟程往澳洲遊學，她表示不擔心會流失歌迷：「鍾意我嘅人會知我性格，鍾意HotCha亦會鍾意Winkie同Crystal，而且我啲歌迷好正面，佢哋會繼續支持！」她亦自爆早於年初決定往遊學時，每次均會十分珍惜三人在台上表演的時光：「有次我哋喺活動上喊到豬頭咁，又唔可以同歌迷講，真係有口難言，到依家時機成熟先可以講！」

鄭融少見老闆

同場的鄭融則表示不會八卦Regen和陳法拉的「花邊新聞」，她說：「我知遊學係Regen嘅心願，呢刻佢想做我梗係支持佢，佢仲咁細！」鄭融又指跟老闆薛世恒只限於傾公事，甚少單獨會面：「盡量避免不必要嘅新聞，佢都唔會單獨約我啦，我諗佢比我仲避忌！」