Phoebe怒射鹹「瑜」洩憤

擁有34吋D咪咪的「葛民輝Icon女」許穎（Phoebe），昨日雖沒有現身何佩瑜（Jeana）所設的擂台，但不忘隔空狙擊！對於Jeana的寸嘴作風，Phoebe大感不屑，覺得她口舌招尤，非常無聊！由於「瑜」與「魚」同音，她見到鹹魚都嬲，拿起水槍狂射，誓掃冧鹹「瑜」！Phoebe說：「知道佢叫不倒胸，我就會倒嘅！因為係真，唔似得啲人加工完都唔夠我大！」問到如何令身材如此標青，她表示沒有特別護理：「可能細個已經飲好多奶，如果大個先飲或者做手腳就冇用啦！」此外，她在手機版寫真中，配合不同場景如睡床及浴室等與Fans「傾偈」，令人想入非非：「我當正佢哋係男友咁，內容好親密！」

同樣被Jeana激親的還有同樣於書展出書的傅穎，她直斥對方的出位言論純粹博宣傳：「佢想宣傳造勢啫！好多嘢應該係公司教佢講。（佢話你係前輩嘅前輩，暗示你老？）呢一行要尊重前輩，我唔會叫人『老前輩』！」