失魂蕭家浩即晚失獎座
前晚奪「iMR大獎」的蕭家浩，賽後接受親友祝福及顧住影相留念，竟大頭蝦遺失獎座及獎品，他說：「漏低咗喺無綫，入面有值幾千蚊嘅錶、幾萬蚊嘅獎座同人參等等嘅獎品！好彩張五千蚊獎金支票自己袋住咗！」
無綫外事部副總監曾醒明獲悉後表示：「了解吓會唔會有同事幫手Keep起咗，不過補番個獎座就有困難，個獎頒咗畀佢，佢有責任保管。」雖然遺失獎座，但昨日本報發現蕭家浩亦收拾心情，相約「最具演藝潛能大獎」得主黃建東及去年工展小姐冠軍黃穎君齊齊慶祝，三人在九龍灣食雪糕，又在商場玩自拍。
蕭家浩（右）發現遺失「iMR大獎」獎座；旁為雙料冠軍李晉強。
蕭家浩（左一）與黃建東食雪糕慶祝攞獎，經濟又消暑。
黃建東（左起）、黃穎君及蕭家浩老友鬼鬼，自拍留念。