鄧伊玲收公仔 「兔」氣揚眉
有「E Cup教主」之稱的鄧伊玲（阿旦），今年推出性感噴血寫真，吸引一班宅男粉絲狂掃貨支持，日前阿旦出席活動，數名粉絲聞風而至，更帶備禮物送給偶像，有人送了一個水晶花球，祝阿旦「花開富貴」，亦有人送一個兔公仔寓意「兔」氣揚眉，氹到阿旦笑逐顏開，她開心地說：「點解啲禮物咁有新年氣氛嘅？」
粉絲坦言今次只是小禮物，待舉行寫真簽名會時會再重錘出擊送厚禮，阿旦說：「其實大家支持我已經好開心，唔需要送好多名貴嘅嘢畀我，反而我會鍾意有心思嘅嘢，好欣賞大家嘅創意，由出道到依家每份粉絲禮物我都有好好留低，全部都係回憶嚟o架！」問到收得最多的粉絲禮物，阿旦坦言一定是毛公仔，各式各樣的毛公仔已放滿家中每個角落。
阿旦收到粉絲的兔公仔及水晶花球，相當興奮。