千嬅Ronald「翻撻」親熱

每年的賀歲片都鬥個你死我活，向來計仔多多的黃百鳴轉玩噱頭，向剛做老竇的鄭中基（Ronald）打主意，邀他與舊愛楊千嬅拍檔上陣，繼《行運超人》及《龍咁威2003》後再合作！二人在片中由朋友變情侶，放笑彈之餘亦有不少親熱鏡頭！據知，老闆黃百鳴出手相當闊綽，二人的片酬向來維持約三百多萬一部，但由於今次情況「特殊」，故每人額外多加百多萬，合共已逾千萬！至於雙方亦很爽快，據知情者說：「中基話點解要介意，仲話自己大個仔，做埋老竇冇嘢好驚，反而擔心千嬅介意。」而千嬅亦不擔心老公丁子高反對，一句「Why not？」便促成此事。

記者昨日致電黃百鳴，他承認有此計劃，只欠動筆簽約：「成個Idea係谷德昭諗出嚟，我唔係用佢哋宣傳，只係環顧影壇，出色喜劇演員非佢哋莫屬！（兩個人片酬過千萬？）物有所值不嬲係我拍戲嘅宗旨！」他不排除臨時加親熱戲：「暫時未有劇本，但佢哋有默契，應付自如。」而執導的谷德昭被問到幾時開拍？他說：「大約在冬季。」似趕於賀歲檔出街。